May 20, 2021
स्मार्ट खबर.कम
झुटो मायामा भुलायौ ठिकै गर्यौ ।
पराईमा राखी खुलायौ ठिकै गर्यौ ।।
झुट सहन सक्दिन थाहा हुँदा नि ।
मिठो त्यो झुटले रुलायौ ठिकै गर्यौ ।।
दु:खीको सहारा कोही हुन्न साथमा ।
मायालु भ्रम मा डुलायौ ठिकै गर्यौ ।।
बिझ्ने काँडा भाको रैछ माया तिमीलाई ।
माया गरे झैँरी झुलायौ ठिकै गर्यौ ।।
पिल्सिएर पीडाले गलेको मुटु यो ।
अचानोले थिची धुलायौ ठिकै गर्यौ ।।
पोलेको घाउमा नुनचुक छर्काएर ।
चुक अमिलो घुलायौ ठिकै गर्यौ ।।
Posted in: Poem
0 comments:
Post a Comment